پێشکەشە بە ڕووحی پاکی شاخەوانان و بەرزەفڕانی نیشتمان
پرسەنامەی شاخە بۆ هاوڕێی هەتاو
تۆ لە دڵمای گەرچی ناتبینم بە چاو
شاخەوانن پاسەوانی گوڵ دەکەن
گوڵ دەدێرن گوڵ دەچێنن هەر شەقاو
تا ئەوان فێربوون لە بەرزی سەربکەن
خۆنەویستی و کوڵنەدانیش بوو بەباو
کێ دەڵێ تۆ کۆڵدەدەی بۆ مردنێ
تۆ کە هێمای کۆڵنەدانی شۆڕەلاو
تۆ لە گڕکانی چیا پەروەردەبووی
هەڵقوڵاوی تۆ لە ڕووحی سەد شەتاو
بۆ ئەوانەی چاوەڕوانی مەرگی تۆن
پێی بڵێن قەت نامری بیدەن لە قاو
نامرێ هەرکەس ئەوینداری گەلە
یادی تۆ هەرمانە هەرمان بەرزەناو
با دڵی تینووم لە ژێر پێڵاوەکەت
کاتی ماندوویی لەشت بیکەم بەئاو
تینوو کۆکەیی
